Dyshekët Luna Blue kanë një garanci tregtare 10-vjeçare. Ajo shtohet mbi garancinë ligjore 2-vjeçare dhe nuk e zëvendëson atë.
1. Garancia ligjore: 2 vjet
Për çdo mospërputhje që shfaqet brenda 2 viteve nga dorëzimi keni të drejtë që dysheku të sillet në përputhje pa pagesë, me riparim ose zëvendësim, brenda maksimumi 30 ditëve. Nëse kjo nuk bëhet, keni të drejtë për ulje çmimi ose për zgjidhjen e kontratës. Mospërputhja që shfaqet brenda 6 muajve prezumohet se ka ekzistuar që në dorëzim. Këto të drejta i keni gjithmonë, pavarësisht garancisë tregtare.
2. Garancia tregtare Luna Blue: 10 vjet
- Garantuesi: Commercee Corp, NIPT L11518009H, Rruga Hasan Alla Nr. 11, Tiranë.
- Produktet: dyshekët Luna Glory dhe Luna Stars.
- Kohëzgjatja: 10 vjet nga data e blerjes.
- Zona: Shqipëri.
- Çfarë mbulon: defektet e prodhimit. Shitësi e riparon ose e zëvendëson dyshekun; kur riparimi nga shitësi nuk është i mundur, e kryen prodhuesi.
3. Çfarë nuk mbulon garancia tregtare
- dëmtimet nga lagështia ose lëngjet, sepse lagështia dëmton materialin e sfungjerit;
- njollat, ndotja, grisjet dhe shenjat e shkaktuara gjatë përdorimit;
- dëmtimet nga keqpërdorimi, neglizhenca, mosrespektimi i udhëzimeve ose faktorë të jashtëm;
- ndërrimin për arsye preference, si fortësia ose përmasa, pasi dysheku është hapur dhe përdorur. Kjo nuk prek të drejtën e heqjes dorë brenda 14 ditëve sipas kushteve të shitjes.
Deklarata e garancisë përcakton edhe kushtet e përdorimit, p.sh. bazën e duhur nën dyshek dhe mbrojtjen nga lagështia.
4. Si e përdorni garancinë
- Na shkruani në WhatsApp, telefononi në +355 68 206 4188 ose shkruani në info@blue-luna.com. Përshkruani problemin dhe, nëse mundeni, dërgoni foto.
- Mbani gati deklaratën e garancisë dhe dokumentin e blerjes.
- Vendosim për kërkesën menjëherë ose brenda 3 ditëve pune dhe ju njoftojmë me shkrim hapat e mëtejshëm.
5. Deklarata me shkrim
Deklarata e plotë e garancisë Luna Blue ju jepet në shqip, me shkrim, bashkë me produktin. Kjo faqe është përmbledhje. Nëse ka ndryshim mes përmbledhjes dhe deklaratës, nuk zbatohet asnjë kusht që i kufizon të drejtat tuaja ligjore.